काठमाडौं, २ असोज। नेकपा एमालेका अध्यक्ष केपी शर्मा ओलीले निलम्बित प्रधानन्यायाधीश चोलेन्द्र शमशेर राणालाई सरकारले नजरबन्दमा राखेको आरोप लगाएका छन्।
उनलाई ड्युटीमा जान नदिन सरकारले आइतबार प्रधानन्यायाधीशको निवासमा ठूलो संख्यामा सुरक्षाकर्मी परिचालन गरेको थियो। पार्टीको सचिवालय बैठकपछि पत्रकारसँग कुरा गर्दै ओलीले सरकारको आलोचना गरेका हुन्।
“तपाईसँग सेना र प्रहरी छ भनेर कसैले कसैलाई उसकै घरमा नजरबन्द गर्न सक्छ? लोकतन्त्रमा कसैलाई पनि नजरबन्द गर्न मिल्दैन” ओली रिसाए।
महाभियोग सिफारिस समितिले आफूविरुद्ध दर्ता भएको महाअभियोग प्रस्ताव प्रतिनिधिसभाको शनिबार मध्यरात कार्यकाल सकिएसँगै निष्क्रिय भएको निष्कर्ष निकाल्दै महाभियोग सिफारिस समितिले प्रतिवेदन बुझाएको भोलिपल्ट आइतबार नै प्रधानन्यायाधीश राणा काममा फर्कने तयारीमा थिए।
प्रधानन्यायाधीश राणाको निष्कर्षलाई ओलीले समर्थन गरेका छन्। “अभियोग प्रमाणित भएन भने उसले के गर्ने?”
