काठमाडौं, २६ मंसिर। नेपाल राष्ट्र बैंकले सोमबार १३ अर्ब रुपैयाँको ट्रेजरी बिल जारी गर्ने भएको छ।
राष्ट्र बैंकले २८ दिनको म्याच्युरिटी अवधिको दुई अर्ब, ९१ दिनको म्याच्युरिटी अवधिको पाँच अर्ब, १८२ दिनको म्याच्युरिटी अवधिको चार अर्ब र ३६४ दिनको म्याच्युरिटी अवधिको दुई अर्ब रुपैयाँको ट्रेजरी बिल लिलामी गर्न लागेको हो।
ऋणपत्रको बोलपत्र दिउँसो २ बजेबाट अनलाइन खोलिने राष्ट्र बैंकले जनाएको छ।
केन्द्रीय बैंकले बोलपत्र प्रक्रियामा सहभागी क, ख र ग वर्गका बैंकहरू, अन्य वित्तीय संस्था, गैरबैंक तथा वित्तीय संस्थाहरूमध्ये सबैभन्दा बढी बोलपत्रदातालाई मंगलबार ट्रेजरी बिल जारी गर्नेछ।
ट्रेजरी बिलहरू सामान्यतया पैसा आपूर्ति नियमन गर्न र खुला बजार सञ्चालनहरू मार्फत कोष जुटाउनको लागि प्राथमिक साधनको रूपमा सरकारले जारी गरेको परिपक्वता प्रॉमिसरी नोटहरू हुन्। बोलपत्रदाताहरूले अनलाइन बिडिङ सिस्टम सफ्टवेयर (ओ.बि.एस.एस.) मार्फत मात्र बोलपत्र गर्न आवश्यक छ।
