काठमाडौं, १८ माघ। प्रधानमन्त्री पुष्पकमल दाहाल ‘प्रचण्ड’ र नेकपा (एमाले)का अध्यक्ष केपी शर्मा ओलीबीच आज भेटवार्ता भएको छ।
प्रधानमन्त्रीको सरकारी निवास बालुवाटारमा भएको भेटमा दुई नेताबीच समसामयिक राजनीतिक मुद्दा र यही फागुन २५ र चैत ३ गते हुने राष्ट्रपति र उपराष्ट्रपतिको निर्वाचनका विषयमा छलफल भएको थियो।
यसैबीच, प्रदेश १ का मुख्यमन्त्री हिक्मतबहादुर कार्कीले आज प्रधानमन्त्रीसँग भेट गरेका छन्। सो अवसरमा उनीहरुले आ–आफ्नो पदमा निर्वाचित भएकोमा एकअर्कालाई बधाई दिँदै प्रदेश सरकारको कार्यसम्पादनलाई थप प्रभावकारी बनाउने विषयमा विचार आदानप्रदान गरेका थिए। (रासस)
