काठमाडौं, ११ माघ। गृहमन्त्री रवि लामिछानेले आत्मदाहको प्रयासमा ज्यान गुमाएका प्रेमप्रसाद आचार्यको निधनप्रति दुःख व्यक्त गरेका छन्।
गृहमन्त्रीले दिवंगत आत्माको चिरशान्तिको कामना गर्दै शोकसन्तप्त परिवारजनमा गहिरो समवेदना प्रकट गरेका छन्।
गृहमन्त्रीले सामाजिक सञ्जालमार्फत आत्महत्या गर्ने निर्णय सञ्चित निराशा र पीडाको उपज हुनसक्ने बताउँदै आफू अध्यक्ष भएको नयाँ पार्टी राष्ट्रिय स्वतन्त्र पार्टी (रासपा)ले उनीजस्ता जनतामा आशाको किरण जगाउन नसकेकोमा आफू दुःखी भएको बताए।
मंगलबार नयाँ बानेश्वरमा आत्मदाह गर्ने प्रयास गरेका इलामका ३६ वर्षीय आचार्यको आज बिहान कीर्तिपुर बर्न अस्पतालमा उपचारको क्रममा मृत्यु भएको हो।
