काठमाडौं, २५ असोज। गाम्बियामा उक्त सिरप खाँदा मिर्गौला फेल भएर सयौँ बालबालिकाको मृत्यु भएपछि भारतीय औषधि कम्पनीले उत्पादन गरेको कफ सिरपको आयात र बिक्री रोक्न औषधि निरीक्षकलाई निगरानी बढाउन औषधि प्रशासन विभागले जनाएको छ।
विभागको यो कदमले पश्चिम अफ्रिकी देशमा जुलाई, अगस्ट र सेप्टेम्बरमा बालबालिकाको मृत्युसँग जोडिएको चार कफ सिरपको बारेमा विश्व स्वास्थ्य संगठनले विश्वव्यापी चेतावनीलाई पछ्याएको हो।
“मेडेन फार्मास्युटिकल लिमिटेड (हरियाणा इन्डिया) द्वारा उत्पादित कफ सिरपको आयात र बिक्री रोक्न हामीले हाम्रा औषधि निरीक्षकहरूलाई निगरानी बढाउन सचेत गरेका छौं,” विभागका प्रवक्ता सन्तोष केसीले भने। “उत्पादन औषधि प्रशासन विभागमा दर्ता गरिएको छैन।
संयुक्त राष्ट्र संघको स्वास्थ्य एजेन्सीले मृत्युको लागि जिम्मेवार हुन सक्ने भारतीय कम्पनीद्वारा निर्मित चारवटा औषधिहरू -(Promethazine Oral Solution) प्रोमेथाजिन ओरल सोलुसन, (Kofexmalin Baby Cough Syrup) कोफेक्समालिन बेबी कफ सिरप, (Makoff Baby Cough Syrup) माकफ बेबी कफ सिरप र (Magrip N Cold Syrup) मग्रिप एन कोल्ड सिरपलाई गुणस्तरहीन उत्पादनको रूपमा पहिचान गरेको थियो। डब्ल्यूएचओका अनुसार कम्पनीले उत्पादनको सुरक्षाको ग्यारेन्टी गर्न असफल भएको थियो।
मिडिया रिपोर्टका अनुसार भारत सरकारले पनि स्थितिको अनुसन्धान गरिरहेको छ।
नेपाल र भारतबीच सयौं किलोमिटर लामो सीमाना छ, जहाँबाट दैनिक हजारौं मानिस एकअर्काको भूभागमा आवतजावत गर्छन्। खुम्चिएको सिमानाको अनुचित फाइदा उठाउँदै साना व्यापारीले औषधिलगायत विभिन्न सामान नेपाल भित्र्याउने गरेका छन्।
डब्ल्यूएचओले यी उत्पादनहरूबाट प्रभावित हुने सम्भावित देशहरू र क्षेत्रहरूको आपूर्ति श्रृंखला भित्र निगरानी र लगनशीलता बढाउन अनुरोध गरेको छ। अनौपचारिक/अनियमित बजारको बढ्दो निगरानीलाई पनि सल्लाह दिएको छ।
नेपालका स्वास्थ्य विज्ञहरूले जोखिमप्रति सरोकारवाला निकायको कमजोर दृष्टिकोणको आलोचना गरेका छन्।
‘संयुक्त राष्ट्रसंघीय स्वास्थ्य निकायले विश्वव्यापी सचेत गराएको पाँच दिन बितिसक्दा पनि स्वास्थ्य तथा जनसङ्ख्या मन्त्रालयले जोखिमबारे सूचना जारी गर्न आवश्यक महसुस गरेको छैन,’ इपिडिमियोलोजी तथा रोग नियन्त्रण महाशाखाका पूर्व निर्देशक डा बाबुराम मरासिनीले भने।
कान्ति बाल अस्पतालका पूर्व निर्देशक समेत रहेका राईले भने, ‘घरेलु उपचार – तातो पानी, अदुवा, मह, कागती र भाप सेवनले धेरै अवस्थामा खोकी निको पार्न मद्दत गर्छ।
The Kathmandu Post बाट अनुवादित।
