काठमाडौं, १९ माघ। प्रधानमन्त्री पुष्पकमल दाहाल ‘प्रचण्ड’ले सत्तारुढ गठबन्धनमा कुनै परिवर्तन नहुने बताएका छन्।
‘राजनीतिक गठबन्धनमा कुनै परिवर्तन हुँदैन, राष्ट्रिय स्वतन्त्र पार्टीले सरकारलाई दिएको समर्थन फिर्ता लिन्छ जस्तो लाग्दैन,’ पार्टीको मुख्यालय पेरिसडाँडामा पत्रकारहरूसँग कुरा गर्दै प्रधानमन्त्री प्रचण्डले भने।
उनले राजनीतिक गठबन्धन समायोजनको हल्लालाई अस्वीकार गरेका छन्।
यसैबीच, आजका लागि तय भएको पार्टीको स्थायी समिति बैठक शुक्रबारका लागि स्थगित भएको छ।
