काठमाडौं, ११ पुष। नवनियुक्त प्रधानमन्त्री पुष्पकमल दाहाल ‘प्रचण्ड’ले प्रधानमन्त्रीको सरकारी निवास बालुवाटारमा कुनै पनि भड्किलो सामान खरिद नगर्न निर्देशन दिएका छन्।
प्रधानमन्त्रीले सचिवालयमार्फत नाश हुने वस्तु खरिद नगर्न निर्देशन दिएका छन्। प्रधानमन्त्री प्रचण्डले प्रधानमन्त्रीको सरकारी निवास बालुवाटारमा भड्किलो सामान खरिद नगर्न निर्देशन दिएको प्रधानमन्त्री प्रचण्डका स्वकीय सचिव रमेश मल्लले जानकारी दिए।
मल्लका अनुसार उनले आवास व्यवस्थापन शाखालाई कुनै पनि नयाँ तथा भड्किलो वस्तु खरिद नगर्न निर्देशन दिएका छन्।
सत्ता गठबन्धनमा प्रधानमन्त्रीको विषयमा सहमति हुन नसकेपछि एमालेसहित सात दलको समर्थनमा प्रचण्ड प्रधानमन्त्री बनेका थिए।
