काठमाडौं, ११ पुष। प्रधानमन्त्री पुष्पकमल दाहाल प्रचण्डसहित ८ मन्त्रीले पद तथा गोपनियताको सपथ लिएका छन्।
नेकपा (माओवादी केन्द्र)का अध्यक्ष पुष्पकमल दाहालले नेपालको ४४ औं व्यक्तिगत तेस्रो पटक प्रधानमन्त्रीका रुपमा सपथ ग्रहण गरेका हुन्।
उनीहरुले सोमबार राष्ट्रपति निवास शितल निवासमा पद तथा गोपनियताको सपथ लिएका हुन्।
राष्ट्रपति विद्यादेवी भण्डारीले निवर्तमान प्रधानमन्त्री शेरबहादुर देउवाको उपस्थितिमा सोमबार दिउँसो शीतलनिवासमा आयोजित कार्यक्रममा दाहाललाई पद तथा गोपनीयताको शपथ गराएकी हुन्।
सपथ लिनेमा उपप्रधानमन्त्री विष्णु पौडेल, नारायणकाजी श्रेष्ठ र रवि लामिछाने छन्। पौडेलले अर्थमन्त्री, श्रेष्ठले भौतिक पूर्वाधार तथा यातायात र लामिछानेले गृहमन्त्रीको सपथ लिएका हुन्।
सपथ लिनेमा दामोदर भण्डारी, राजेन्द्र राई, अब्दुल खान र ज्वालाकुमारी शाह रहेका छन्। मन्त्रीहरुको मन्त्रालय तोकिएको छैन।
