काठमाडौं, ७ पुष। बिहानको हुस्सुका कारण अवरुद्ध भएको त्रिभुवन अन्तर्रा्ष्ट्रिय विमानस्थलबाट आन्तरिक तथा अन्तर्राष्ट्रिय उडान सुचारु भएको छ।
त्रिभुवन अन्तर्राष्ट्रिय विमानस्थलका महाप्रबन्धक प्रेमनाथ ठाकुरले बाक्लो हुस्सु र धुवाँका कारण बिहान केही समय उडान अवरुद्ध भए पनि अहिले नियमित सञ्चालनमा आएको बताए।
मौसम सफा भएपछि मात्रै उडान सुचारु गरिएको त्रिभुवन अन्तर्राष्ट्रिय विमानस्थल व्यवस्थापनले जनाएको छ।
