काठमाडौं, ४ पुष। नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले वाम लोकतान्त्रिक गठबन्धनको सरकार गठनका लागि छलफल भइरहेको बताएका छन्।
प्रेस सेन्टर नेपालले आइतबार चितवनमा आयोजना गरेको कार्यक्रममा पूर्वप्रधानमन्त्री प्रचण्डले सत्ता बाँडफाँडबाट गठबन्धनको सरकार बन्ने बताए।
“राष्ट्रपति, उपराष्ट्रपति, प्रधानमन्त्री, सभामुख र उपसभामुख लगायतका पदमा सहमति बनाइनेछ। शक्ति बाँडफाँडका विषयमा छलफल भइरहेको छ।” उनले भने, ‘राष्ट्रपतिले तोकेको समयभित्र सरकार बनाएर अघि बढ्छौँ।
उनले अहिलेसम्म व्यक्ति केन्द्रित छलफल नभएको दाबी गरेका छन्।
