काठमाडौं, २७ मंसिर। प्रतिनिधिसभा र प्रदेशसभाको निर्वाचनका लागि निर्वाचन आयोगले जारी गरेको निर्वाचन आचारसंहिता–२०७९ निष्क्रिय भएको छ।
प्रतिनिधिसभा र प्रदेशसभाको निर्वाचन मंसिर ४ मा भएको थियो।
यस सम्बन्धमा प्रधानमन्त्री तथा मन्त्रिपरिषद्को कार्यालय, सबै मन्त्रालय र संवैधानिक निकायलाई जानकारी गराइएको आयोगले जनाएको छ।
निर्वाचन आचारसंहिता–२०७९ को दफा १(२) बमोजिम असोज १२ गतेदेखि देशभर निर्वाचन आचारसंहिता लागू भएको थियो।
