काठमाडौं, १६ मंसिर। फिफा विश्वकप २०२२ को समूह चरणका अन्तिम खेलहरु आज हुँदैछन्। समूह ‘जी’ मा ब्राजिल र क्यामरुन साथै सर्बिया र स्विट्जरल्याण्ड भिड्दैछन्।
समूहको शीर्ष स्थानमा रहेको ब्राजिल ६ अंकसहित अन्तिम १६ मा पुगिसकेको छ। दोस्रो स्थानमा रहेको स्विट्जरल्याण्डको ३ अंक छ भने तेस्रो स्थानमा रहेको क्यामरुन र चौथो स्थानको सर्बियाको समान १–१ अंक छ।
सर्विया भर्सेस स्विट्जरल्यान्ड र क्यामरुन भर्सेस ब्राजिल बीच आज राति १२:४५ मा म्याच हुदैछ।
अर्कोतर्फ समूह ‘एच’मा पोर्चुगल र दक्षिण कोरिया साथै घाना र उरुग्वे भिड्दैछन्। पहिलो दुई खेल जितेर पोर्चुगल ६ अंकसहित अन्तिम १६ मा पुगेको छ। दोस्रो स्थानको घानाको ३ अंक छ भने तेस्रो स्थानको दक्षिण कोरिया र चौथो स्थानको उरुग्वेको १–१ अंक छ।
साथै आज रति ८:४५ मा दक्षिण कोरिया भर्सेस पोर्चुगल र घाना भर्सेस उरुग्वे बीच म्याच हुदैछ।
