Wednesday, February 8, 2023
spot_img
Homeनिर्वाचनप्रधानमन्त्री देउवासँग प्रचण्ड र माधव नेपालबीच बालुवाटारमा छुट्टाछुट्टै भेटवार्ता

प्रधानमन्त्री देउवासँग प्रचण्ड र माधव नेपालबीच बालुवाटारमा छुट्टाछुट्टै भेटवार्ता

काठमाडौं, १२ मंसिर। प्रधानमन्त्री समेत रहेका नेपाली कांग्रेसका सभापति शेरबहादुर देउवासँग नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र नेकपा एकीकृत समाजवादीका अध्यक्ष माधवकुमार नेपालले भेटवार्ता गरेका छन्।

आज बिहान बालुवाटार पुगेर उनीहरुले प्रधानमन्त्री देउवासँग छुट्टाछुट्टै भेट गरेका थिए।

अहिलेकै पाँच दलीय गठबन्धनबाट नयाँ सरकार बनाउने जमर्को उनीहरूको छ। शनिबार प्रधानमन्त्री देउवा र माओवादी अध्यक्ष प्रचण्डबीच अहिलेकै गठबन्धनले नयाँ सरकार बनाउनेबारे समझदारी बनेको थियो।

बालुवाटार स्रोतका अनुसार आज बिहान एकीकृत समाजवादीका अध्यक्ष नेपाल र माओवादी अध्यक्ष प्रचण्डले देउवासँग छुट्टाछुट्टै कुराकानी गरेका हुन्।

उनीहरुबीच निर्वाचनको नतिजा, वर्तमान राजनीति र भावी सरकारका बारेमा छलफल भएको बताइएको छ।

LEAVE A REPLY

Please enter your comment!
Please enter your name here

संबन्धित समाचार
- Advertisment -spot_img

धेरै हेरिएको