काठमाडौं, ५ मंसिर। नेपाल क्रिकेट संघ (क्यान) ले आइसिसी पुरुष क्रिकेट विश्वकप लिग २ अन्तर्गत नामिबिया–नेपाल–स्कटल्याण्ड त्रिकोणात्मक सिरिजका लागि आइतबार १४ सदस्यीय टोलीको घोषणा गरेको छ।
नामिबिया त्रिकोणीय सिरिज डिसेम्बर १ देखि ८ सम्म हुनेछ।
२० खेलबाट १७ अंक जोडेको नेपाल सात टोलीको तालिकामा छैटौं स्थानमा छ। नामिबिया २३ खेलबाट २८ अंकसहित चौथो स्थानमा छ । स्कटल्याण्ड २८ खेल खेलेर ४० अंकसहित दोस्रो स्थानमा छ।
ओमानले सबै ३६ खेल खेलेर ४४ अंकसहित शीर्ष स्थानमा छ।
३६ खेल खेल्दै लिग २ को अन्त्यमा शीर्ष तीन टोलीहरू अर्को वर्ष जिम्बाब्वेमा आईसीसी विश्वकप छनोटका लागि छनोट हुनेछन् भने तल्लो चार पक्षहरू क्वालिफायर प्लेअफमा प्रवेश गर्नेछन्।
नेपाली टोली;
रोहित पौडेल (कप्तान), अर्जुन साउद, आसिफ शेख, ज्ञानेन्द्र मल्ल, दीपेन्द्र सिंह ऐरी, आरिफ शेख, कुशल भुर्तेल, गुलशन झा, ललित राजवंशी, करण केसी, सोमपाल कामी, हरिशङ्कर साह, सागर ढकाल, र नन्दन यादव।
फिक्स्चरहरू;
- डिसेम्बर १ नामिबिया विरुद्ध स्कटल्याण्ड,
- डिसेम्बर २ नामिबिया विरुद्ध नेपाल,
- डिसेम्बर ४ नेपाल विरुद्ध स्कटल्याण्ड,
- डिसेम्बर ५ नामिबिया विरुद्ध स्कटल्याण्ड,
- डिसेम्बर ७ नामिबिया विरुद्ध नेपाल,
- डिसेम्बर ८ नेपाल विरुद्ध स्कटल्याण्ड
