काठमाडौं, ४ मंसिर। प्रधानमन्त्री एवं नेपाली काँग्रेसका सभापति शेरबहादुर देउवाले शान्तिपूर्ण र भयरहित वातावरणमा प्रतिनिधिसभा र प्रदेशसभा सदस्यको निर्वाचन निष्पक्ष, धाँधलीपूर्ण र उत्साहजनक रुपमा सम्पन्न भएकोमा पार्टीका तर्फबाट सबैलाई धन्यवाद दिनुभएको छ।
सभापति देउवाले प्रतिनिधिसभा र प्रदेशसभा सदस्यका लागि देशभर उत्साहका साथ मतदान भएको बताए।
संविधानसभाले संविधान जारी गरेपछिका दिनमा पनि संविधानको रक्षा र लोकतान्त्रिक व्यवस्थाको विकासका लागि आम नेपालीले जिम्मेवारीपूर्वक भूमिका निर्वाह गर्दै आएका छन्।
यो निर्वाचनमा नेपाली जनताले आफ्नो नागरिक अधिकारको उपभोग गरिरहेका बेला देउवाले लोकतन्त्रप्रतिको दशकौंदेखिको समर्पण र प्रतिबद्धता पुनः एकपटक प्रकट भएको बताए।
प्रधानमन्त्री समेत रहेका सभापति देउवाले आवधिक निर्वाचन लोकतन्त्रको अनिवार्य शर्त भएको बताउँदै निर्वाचनको नतिजाले मुलुकलाई स्वाधीन, स्वाभिमानी र उन्नत बनाउनुका साथै लोकतान्त्रिक संस्कार र संस्कृति समतामूलक समाज निर्माणमा टेवा पुग्ने विश्वास व्यक्त गर्नुभयो।
उनले निर्वाचनमा निकै उत्साह, संयम र धैर्यताका साथ सहभागी भई आफ्नो अमूल्य भोट हाल्नुहुने सम्पूर्ण दिदीबहिनी तथा दाजुभाइप्रति हार्दिक आभार प्रकट गरेका छन्।
निर्वाचनमा मतदाताको सक्रिय र उत्साहजनक सहभागिताले बहुमूल्य भोट हाल्न सरकार र राजनीतिक दललाई थप प्रेरणा दिएको कांग्रेसको भनाइ छ।
संघीय लोकतान्त्रिक गणतन्त्रलाई सुदृढ र संस्थागत गर्न निर्वाचनले ठूलो योगदान गरेको छ।
सभापति देउवाले शान्तिपूर्ण र भयरहित वातावरणमा निष्पक्ष र धाँधलीरहित निर्वाचन सम्पन्न गरेकोमा निर्वाचन आयोगलाई विशेष धन्यवाद दिएका छन्।
उनले निर्वाचन सफल बनाउन अहोरात्र खट्ने राष्ट्रिय सेवाका कर्मचारी र सुरक्षा निकायलाई धन्यवाद समेत दिए। उनले निर्वाचनमा सहभागी हुने राजनीतिक दल, सञ्चारकर्मी र राष्ट्रिय तथा अन्तर्राष्ट्रिय पर्यवेक्षकहरूलाई पनि धन्यवाद दिए।
