काठमाडौं, १५ कार्तिक। नेपाल नागरिक उड्डयन प्राधिकरणले त्रिभुवन अन्तर्राष्ट्रिय विमानस्थलबाट नेपाल वायुसेवा निगम र हिमालय एयरलाइन्सको उडान भैरहवास्थित गौतमबुद्ध अन्तर्राष्ट्रिय विमानस्थलमा सार्ने क्रममा अन्तर्राष्ट्रिय चार्टर्ड उडान बन्द गरेको छ।
नेपाल नागरिक उड्डयन प्राधिकरणका अनुसार अन्य कम्पनीका चार्टर्ड उडान पनि गौतमबुद्ध अन्तर्राष्ट्रिय विमानस्थलमा सार्ने विषयमा छलफल भइरहेको छ।
कात्तिक १३ गतेदेखि चैत ११ हिउँदको समयतालिका शुरु भएसँगै नेपाल नागरिक उड्डयन प्राधिकरणले त्रिभुवन अन्तर्राष्ट्रिय विमानस्थलबाट प्रति तीन उडानमा गौतमबुद्ध अन्तर्राष्ट्रिय विमानस्थलबाट एउटा उडान सञ्चालन गर्न दुवै वायुसेवा कम्पनीलाई निर्देशन दिएको छ।
यसअघि नेपाल नागरिक उड्डयन प्राधिकरणले गौतमबुद्ध अन्तर्राष्ट्रिय विमानस्थलबाट दिनमा तीनभन्दा बढी उडान गर्ने अन्तर्राष्ट्रिय एयरलाइन्सलाई पुष १ गते र स्वदेशी कम्पनीलाई कार्तिक १३ गतेदेखि उडान उपलब्ध गराउन निर्देशन दिएको थियो।
कार्तिक १३ गते दिउँसो नयाँ दिल्लीका लागि नेपाल वायुसेवा निगमको उडान तालिका नहुँदा २५४ यात्रु त्रिभुवन अन्तर्राष्ट्रिय विमानस्थलमा अलपत्र परेका थिए।
नेपाल नागरिक उड्डयन प्राधिकरणले उडान तालिका विना यात्रुलाई बोर्डिङ पास दिएर विमानस्थलको सुरक्षामा बाधा पुर्याएको भन्दै नेपाल वायुसेवा निगमसँग २४ घण्टाभित्र स्पष्टीकरण मागेको थियो।
प्राधिकरणले त्रिभुवन अन्तर्रा्ष्ट्रिय विमानस्थलबाट भारत उडान गर्ने आन्तरिक वायुसेवा कम्पनीको उडान संख्या पनि हप्तामा १४ बाट घटाएर १० र गौतमबुद्ध अन्तर्राष्ट्रिय विमानस्थलबाट हप्तामा चार उडान गरेको छ।
