काठमाडौं, २४ भदौ। जबरजस्ती करणी गरेको अभियोगमा काठमाडौं जिल्ला अदालतले पक्राउ पुर्जी जारी गरेसँगै नेपाल क्रिकेट संघ (क्यान)ले नेपाली कप्तान सन्दीप लामिछानेलाई निलम्बन गरेको छ।
बुधबार लामिछानेविरुद्ध काठमाडौं जिल्ला प्रहरी परिसरमा उजुरी परेको सार्वजनिक भएको हो। त्यतिबेला लामिछाने सी.पी.एल २०२२ को लागि जमैका तल्लावाहको टोलीमा वेस्ट इन्डिजमा थिए। लामिछानेले अहिलेसम्म क्लबको तीन खेल मध्ये कुनै पनि खेल खेलेका छैनन्। पक्राउ पूर्जी जारी भएपछि उनको क्लब तलावाहले बिहीबार तुरुन्तै लागू हुने गरी उनलाई प्रतियोगिताबाट हटाऊने घोषणा गरेको थियो।
क्यानका कार्यवाहक सचिव प्रशान्त विक्रम मल्लले जारी गरेको विज्ञप्तिमा पूर्ण छानबिन नभएसम्म लामिछानेको निलम्बन यथावत रहने बताएको छ। लामिछानेलाई उजुरीको छानबिन गरिरहेको काठमाडौं प्रहरीमा जाहेर गर्न बोलाइएको पनि उनले बताए। क्यान बोर्डको बैठकले उनलाई निलम्बन गर्ने निर्णय गरेको हो।
लामिछानेले ट्विट गर्दै आफू सीपीएलबाट ‘विदा’ लिएर नेपाल फर्किने बताए। उनले आफ्नो निर्दोषतामा जोड दिए र आफू “निराधार आरोपहरू” सामना गर्न तयार रहेको बताए।
२२ वर्षीय लामिछाने नेपालको सबैभन्दा हाई प्रोफाइल क्रिकेटर हुन्, जसले आई.पी.एल, बिग ब्यास लिग, बंगलादेश प्रिमियर लिग, लंका प्रिमियर लिग र क्यारेबियन प्रिमियर लिगलगायत विश्वभरका टि-२० लिग खेलेका छन्। जनवरी २०१८, १७ वर्षको उमेरमा, दिल्ली डेयरडेभिल्सबाट भारु २० लाख(त्यतिबेला अमेरिकी डलर करीव ३१,०००) मा उनी आई.पी.एल लिलामीमा समावेश हुने पहिलो नेपाली खेलाडी बनेपछि उनको ख्याति तीव्र रूपमा बढ्यो।
मे २०१८ मा आफ्नो अन्तर्राष्ट्रिय डेब्यू गरेदेखि, उनले ३० एकदिवसीय र ४४ टी-२० मा नेपालको प्रतिनिधित्व गरिसकेका छन्। नामिबियामा २०१८ विश्व क्रिकेट लिग डिभिजन दुईमा प्लेयर अफ द टूर्नामेंटको प्रदर्शनमा १७ विकेट लिएर नेपाललाई दोस्रो पटक विश्वकप छनोटमा पुर्याउनु उनको लागि हाइलाइटहरू मध्ये एक थियो।
डिसेम्बर २०२१ मा, लामिछानेले नेपालको कप्तानको रूपमा आए, र हाल ओ.डी.आइ. टोलीको कप्तानी गर्ने छैटौं कान्छो व्यक्ति हुन्। लामिछाने हाल एकदिवसीयमा सबैभन्दा छिटो ५० विकेट लिने दोस्रो र टी-२० मा ५० विकेट लिने तेस्रो खेलाडी पनि हुन्।
