काठमाडौं, २३ भदौ। राष्ट्रिय क्रिकेट टोलीका कप्तानविरुद्ध एक १७ वर्षीया युवतीले आफ्ना अभिभावकको उपस्थितिमा मंगलबार गौशाला प्रहरी वृत्तमा जबरजस्ती करणी गरेको आरोपमा उजुरी दिएकी छन्।
बुधबार जिल्ला प्रहरी परिसर काठमाडौंले आफ्नो आधिकारिक फेसबुक पेजमार्फत नेपाली राष्ट्रिय क्रिकेट टोलीका कप्तान सन्दीप लामिछानेविरुद्ध बलात्कारको उजुरी परेको जानकारी दिएको हो।
जिल्ला प्रहरी परिसरले कथित अपराध भएको स्थानको विवरण मात्र खुलाएको छैन, पीडितको योनी स्वाबको नमूना परीक्षणका लागि लिइएको प्रयोगशालाको नाम पनि खुलाएको छ।
राष्ट्रिय मानवअधिकार आयोगकी पूर्वसदस्य मोहना अन्सारीलगायत मुद्दाको विवरण सार्वजनिक गर्ने प्रहरीको दृष्टिकोणमा कतिपयले प्रश्न गरेका छन्।
‘घटना भएको होटेलको स्थान र घटना भएको समय पोष्टमा उल्लेख भएको कारणले प्रमाणमा छेडछाड हुन सक्छ, जुन मुद्दा अगाडि बढाउन अत्यावश्यक छ,’ अन्सारीले भनिन। “यसले मुद्दालाई नै चुनौती दिन्छ।”
घटनाको विवरणको खुलासाले मुद्दालाई विभिन्न सामाजिक र राजनीतिक दबाबको विषय बनाउँछ, अनुसन्धानको नैतिकता र निष्पक्षतामा प्रश्न खडा गरेको विज्ञहरू बताउँछन्।
“होटेल अपराधिक स्थल हो। अपराध स्थलको खुलासासँगै प्रहरीले महत्वपूर्ण प्रमाणमा छेडछाड गर्ने जोखिममा रहेको छ,’ राष्ट्रिय कानून कलेजका सहायक निर्देशक राष्ट्रविमोचन तिमिलसेनाले भने।
यद्यपी जिल्ला प्रहरी परिसर काठमाडौंका प्रवक्ता दिनेशराज मैनालीले प्रहरी कारबाही अघि बढाउन प्रहरीले अपराध भएको होटेलको स्थान उल्लेख गरेको बताउँछन्।
‘हामीले उक्त घटनामा महानगरीय प्रहरी कुन दायराको जिम्मेवारी छ भन्ने जानकारी गराउन होटलको स्थान खुलासा गरेका थियौं,’ मैनालीले भने।
नेपाल प्रहरीका प्रवक्ता टेकप्रसाद राईका अनुसार १७ वर्षीया युवतीले लामिछानेले आफूलाई जबरजस्ती यौनसम्बन्ध राखेको आरोपमा मंगलबार आफ्ना अभिभावकको रोहवरमा गौशाला प्रहरी वृत्तमा उजुरी दिएकी थिइन्।
पीडित बालिकालाई प्रहरीले संकट व्यवस्थापन केन्द्रमा स्वास्थ्य परीक्षणका लागि लगिएको जिल्ला प्रहरी परिसर काठमाडौंले फेसबुक पोस्टमार्फत जानकारी दिएको छ।
प्रहरीका अनुसार पीडित र लामिछानेको भेट सामाजिक सञ्जाल ‘स्न्यापच्याट’ मार्फत भएको थियो।
लामिछानेले १७ वर्षीय किशोरलाई भेट्न आग्रह गरे।
प्रहरीमा परेको उजुरीअनुसार भदौ ५ गते साँझ लामिछानेले पीडितलाई निजी गाडीमा उठाएका थिए। त्यसपछि दुवै जना नगरकोट गए।
नगरकोटमा हुँदा पीडितलाई बारम्बार काठमाडौंको होस्टेलमा लैजान आग्रह गरेको उजुरीमा उल्लेख छ।
उनीहरु रातिनै नगरकोटबाट काठमाडौं फर्कीएका थिए तर उनी बसेको होस्टल बन्द भएकाले काठमाडौंको एउटा होटलमा चेकइन गरेका थिए।
काठमाडौं फर्किएपछि बसेको होटलमा लामिछानेले यौन दुर्व्यवहार गरेको पीडितले बताईन। प्रहरीले क्रिकेटर लामिछाने र पीडित बालिका गत भदौ ५ गते बसेको नगरकोट र काठमाडौंका होटलका सीसीटीभी फुटेज लिएका थिए।
जिल्ला प्रहरी परिसर काठमाडौंका वरिष्ठ प्रहरी उपरीक्षक (एसएसपी) भरत बोहराले पीडित लामिछानेसहित होटलमा चेकइन गरेको पुष्टि गरेका छन्। बोहराले भने, ‘सीसीटीभी फुटेजमा लामिछाने होटलको कोठामा बलात्कार गरेको आरोप लगाउने युवतीसँगै थिए।
बोहराले भने, ‘हाम्रो अनुसन्धान टोली नगरकोट गएर त्यहाँको होटल र कथित अपराध भएको काठमाण्डौंको होटलमा गएको थियो। ‘हामी अहिले प्रमाण संकलनमा केन्द्रित छौं। नगरकोट र काठमाडौंका होटल सञ्चालकलाई सोधपुछ भइरहेको छ।
२२ वर्षीय लेग स्पिनर इन्डियन प्रिमियर लिग (आईपीएल), अष्ट्रेलियाको बिग ब्यास लिग (बीबीएल), क्यारेबियन प्रिमियर लिग (सीपीएल), र क्यानाडाको ग्लोबल टि-२० लीग जस्ता मेगा अन्य अन्तर्राष्ट्रिय फ्रेन्चाइजहरू खेलेका नेपाली क्रिकेट खेलाडी हुन्।
लामिछाने क्यारेबियन प्रिमियर लिग खेल्न त्रिनिडाड एण्ड टोबागोमा छन्। उनी केन्याविरुद्धको एकदिवसीय र टी–२० सिरिज खेल्ने राष्ट्रिय टोलीमा थिए।
राष्ट्रिय टोलीका साथसाथै उनी विश्वभरका विभिन्न टि-२० खेल्छन्, हालको अनुसन्धानको नतिजा जस्तोसुकै होस्, आरोपहरूले उनको क्रिकेट करियरलाई खतरामा पार्न सक्छ।
नेपाल क्रिकेट संघ (क्यान)ले राष्ट्रिय क्रिकेट टोलीका कप्तानलाई कारबाही गर्ने कि नगर्ने भन्ने विषयमा टिप्पणी गर्न अस्वीकार गरेको छ। बुधबार क्यानका अध्यक्ष चतुरबहादुर चन्दले सन्दीपमाथि मात्रै आरोप लागेको र अनुसन्धान जारी रहेकाले यस विषयमा क्यानले तत्काल केही गर्न नसक्ने बताए। ‘सन्दीपको अहिलेसम्म पुष्टि भइसकेको छैन, योजनाबद्ध हुन सक्छ, सन्दीपले अनुशासन तोडेको भए कानुनी कारबाही गर्नुपर्छ’ क्यानका अध्यक्ष चन्दले भने। दि काठमाडौँ पोस्ट बाट अनुवादित।
