काठमाडौं, १२ भदौ। काठमाडौं महानगरपालिकाले महानगरका ३२ वटै वडामा डाक्टर र नर्स राख्ने प्रस्ताव गरेको छ।
आइतबार बसेको आठौं महानगरपालिकाको बैठकले सर्वसाधारणलाई स्वास्थ्य सेवा उपलब्ध गराउन प्रत्येक वडामा क्लिनिक सञ्चालन गर्ने प्रस्ताव गरेको छ। काठमाडौं महानगरपालिकाका मेयर बलेन शाहले काठमाडौं महानगरपालिकाले पहिले प्रत्येक वार्डमा एम.बि.बि.एस डाक्टर राख्न चाहेको भए पनि पछि उपयुक्त हुने भन्दै डाक्टर र नर्स राख्ने निर्णय गरेको बताए।
सानातिना स्वास्थ्य समस्या आएमा क्लिनिकमा जान पाउने गरी काठमाडौं महानगरपालिकाले ३२ जना डाक्टर र नर्सलाई करारमा राख्ने भएको छ। ‘सानो समस्याका लागि अस्पताल नै जानुपर्छ भन्ने छैन, (वार्ड क्लिनिकमा) डाक्टरसँग परामर्श लिन सकिन्छ,’ शाहले भने।
