काठमाडौं, १७ साउन। भारतको भुवनेश्वरस्थित कलिङ्गा रंगशालामा मंगलबार हुने साफ अन्डर–२० च्याम्पियनसिपको फाइनलमा पुग्न नेपालले शीर्ष स्थानमा रहेको बंगलादेशलाई ठुलो गोल अन्तरले पराजित गर्नु पर्ने भएको छ ।
आइतबार नेपालले भारतसँग ८-० को हार बेहोरेपछि फाइनलमा पुग्न नेपालले बंगलादेशलाई कम्तिमा पाँच गोलको अन्तरले हराउनुपर्छ। तर, भारत माल्दिभ्ससँग हारे नेपाललाई फाइनलमा पुग्नको लागि बराबरी नै पर्याप्त हुनेछ।
भारतलाई २–१ ले हराउँदै श्रीलंकालाई १–० र माल्दिभ्सलाई ४–१ ले हराएको बंगलादेश पाँच टोलीको तालिकामा ९ अंकसहित शीर्ष स्थानमा छ। नेपाल र भारत ६ अंकसहित दोस्रो र तेस्रो स्थानमा छन् । तर हेड टु हेड प्रदर्शन र गोलको उत्कृष्टताका आधारमा भारतले नेपालमाथि अग्रता कायम राखेको छ।
माल्दिभ्स र श्रीलंकाको एक-एक अंक छ र लिगको अन्त्यमा छन्, शीर्ष दुई टोली मात्र फाइनलमा पुग्ने भएकाले फाइनलको दौडबाट माल्दिभ्स र श्रीलंका बाहिरिएका छन्।
यद्यपि, शक्तिशाली भारतले जितविहीन रहेको माल्दिभ्ससँग हार्ने व्यावहारिक रूपमा सम्भावनाहरू कमि छन्, यो टोली तल्लोबाट दोस्रो स्थानमा छ। नेपालले बंगलादेशलाई पाँच गोलको अन्तरले हराउने सम्भावना पनि कम छ।
नेपालले शीर्ष स्थानमा रहेको बंगलादेशलाई र भारतले श्रीलंकालाई हराएमा बंगलादेश, भारत र नेपालका तीनवटै टोलीको ९–९ अंक हुनेछ र बराबरी भएका टोलीबीचको अङ्कको आधारमा तालिकाको स्थान निर्धारण हुनेछ।
