काठमाडौं, २ साउन। पछिल्लो २४ घण्टामा ४ सय ५७ जनामा संक्रमण पुष्टि र ४८ जनाको डिस्चार्ज भएसँगै नेपालमा राष्ट्रिय सक्रिय कोभिड–१९ को सङ्क्रमितको सङ्ख्या १ हजार ७ सय ७३ पुगेको छ।
स्वास्थ्य मन्त्रालयले दिएको पछिल्लो तथ्याङ्क अनुसार पछिल्लो २४ घण्टामा ४ हजार ६ सय ५१ जानालाई परीक्षण गरिएको थियो जसमा २ हजार ३ सय ४१ पीसीआर परीक्षणमा ३ सय ८६ जाना र २ हजार ३ सय १० एन्टिजेन परीक्षणमा ७१ जनामा गरि कुल ४ सय ५७ जनामा कोरोना पोजेटिभ देखिएको हो। आज कोभिड–१९ का कारण १ जानाको मृत्यु भएको छ। आज कोरोना बिरुद्धको खोप ९८ हजार ९०० सय जानाले लगाएका छन्।
स्वास्थ्य मन्त्रालयले दिएको हिजोको २४ घण्टाको तथ्याङ्क अनुसार ३ हजार ४१ जानालाई परीक्षण गरिएको थियो जसमा १ हजार ४ सय ७३ पीसीआर परीक्षणमा १ सय १४ जाना र १ हजार ५ सय ६८ एन्टिजेन परीक्षणमा २१ जनामा गरि कुल १ सय ३५ जनामा कोरोना पोजेटिभ देखिएको थियो।
