काठमाडौं, १२ साउन। नेपाल स्टक एक्सचेन्ज(नेप्से) परिसूचक हिजोको तुलनामा आज ०.७३ प्रतिशत बढेर २१२७.४८ बिन्दुमा बन्द भएको हो।
हिजो २१११.९९ बिन्दुमा १.१४ प्रतिशत घटेर बन्द भएको नेपाल स्टक एक्सचेन्ज(नेप्से) परिसूचक आज १५.४९ अंकले बढेको हो। अन्तिम ५ मिनेटमा १५ अंकले घटेको शेयर बजारमा १५ अंकले नै सुधार भएर बन्द भएको हो।
१ करोड भन्दा बढी कित्ता शेयर खरिदबिक्री भएको आज २ सय २१ स्टकको ७२ हजार ४ सय ५० पटक कारोबार भएको छ भने कुल रकम ४ अर्ब ९७ करोड ६४ लाख ३३ हजार १ सय ५ रुपैयाँ २ पैसाको कारोबार भएको छ।
३ वटा कम्पनीको शेयर सकारात्मक सर्किट सर्किट लेवलमा कारोबार भएको हो र राधि विद्युत कम्पनी लिमिटेडको शेयरमूल्य सर्वाधिक ३.९१ प्रतिशत घटेको हो।
२.३१ प्रतिशतले घटेको शिवम सिमेन्ट्स लि, कारोबार रकमका आधारमा आज शीर्ष स्थानमा रहेको छ र १७ करोड ९६ लाख ८६ हजार ६ सय १२ रुपैयाँ २ पैसा बारबरको शेयर खरिदबिक्री भएको छ।
