निर्देशक एभरेस्ट सूर्य बोहराले नयाँ फिल्म निर्माण घोषणा गरेका छन् । सामाजिक सञ्जालमा पोस्टर सेयर गर्दै बोहराले ‘चमेलीको पोई’ नाममा नयाँ फिल्म निर्माणको घोषणा गरेका हुन् ।
फिल्म विसुद्ध कमेडी जनरामा बन्ने उनले उल्लेख गरेका छन् । आजको सामाजिक विषयवस्तुमा बन्न लागेको कमेडी फिल्मको शीर्षकप्रति दर्शक तथा शुभचिन्तकबाट बोहराले सुझाव समेत मागेका छन् ।
फिल्ममा को-को कलाकार रहने, प्राविधिक को रहने खुलाइएको छैन । निर्देशक बोहराले यतिबेला फिल्मको स्कृप्टको काम अन्तिम चरणमा रहेको र गीत संगीतमा काम भइरहेको बताए ।
२०२४ भित्रै प्रदर्शनमा ल्याउने तयारीसहित केहि समयपछि औपचारिक घोषणासहित फिल्मलाई फ्लोरमा लैजाने उनले बताए ।
