काठमाडौं, ९ जेठ। राष्ट्रियसभाले आगामी आर्थिक वर्ष २०२३-२४ का लागि सरकारको नीति तथा कार्यक्रम आज पारित गरेको छ।
राष्ट्रपति रामचन्द्र पौडेलले जेठ ६ गते संघीय संसदको संयुक्त बैठकमा प्रस्तुत गरेको नीति तथा कार्यक्रम संघीय संसदको माथिल्लो सदन बैठकले बहुमतले स्वीकृत गरेको छ।
तुलसाकुमारी दाहाल, विमला घिमिरे र डा विमला राई पौड्यालले राखेको संशोधन प्रस्ताव बहुमतले अस्वीकृत भएको थियो।
अनुमोदन हुनुअघि प्रधानमन्त्री पुष्पकमल दाहालले नीति तथा कार्यक्रममाथिको छलफलमा सांसदहरुले उठाएका प्रश्नको जवाफ दिनुभएको थियो। (रासस)
