काठमाडौं, ११ पुष। नेकपा (माओवादी केन्द्र)को नेतृत्वमा नयाँ सरकार गठन भएसँगै आज पहिलो दिन नेपाल स्टक एक्सचेन्ज (नेप्से) परिसूचक दोहोरो अंकले बढेको छ।
परिसूचक ५६.८८ अंकले बढेर १९२४.०९ अंकमा बन्द भयो। त्यस्तै, सेन्सेटिभ परिसूचक पनि ८ दशमलव ३८ अंकले बढेर ३७५ दशमलव ४५ बिन्दुमा पुगेको छ। कुल बजार पूँजीकरण पनि ३ खर्ब ५२ अर्ब नाघेको छ।
कुल १३ उपसमूहमध्ये अन्य बाहेक सबै बढेका छन्। २ अर्ब ९० करोड रुपैयाँभन्दा बढीको २५० कम्पनीको ५६ लाखभन्दा बढीको सेयर कारोबार भएको छ।
