काठमाडौं, १५ मंसिर। अर्थमन्त्री जनार्दन शर्माले मुलुकले आर्थिक संकट नआएको तर पनि सम्बन्धित क्षेत्रमा केही चुनौतिको सामना गरिरहेको बताएका छन्।
आर्थिक पत्रकार समाज नेपाल (सेजन)को २६औँ वार्षिकोत्सवका अवसरमा आयोजित कार्यक्रमलाई सम्बोधन गर्दै मन्त्रीले अर्थतन्त्र संकटमा परेको बुझ्नु गलत हुने बताए। “तर अझै पनि केही चुनौतीहरू छन् र ती निजी क्षेत्रसँगको सहकार्यमा सम्बोधन गर्नुपर्छ।”
मन्त्रीका अनुसार आन्तरिक आर्थिक परिसूचकमा सुधार भइरहेको र पछिल्लो समय विदेशी मुद्रा सञ्चिति र रेमिट्यान्स आप्रवाहमा बृद्धि भएको छ। उनले बताए अनुसार नेपालले मिश्रित अर्थतन्त्रलाई रोजेको छ र यो आर्थिक प्रणालीमा अचानक वृद्धि र पतन सम्भव छैन।
