काठमाडौं महानगरपालिकाले सहरमा रहेका अवैध संरचना भत्काउने अभियानलाई निरन्तरता दिएको छ।
बिहीबार नयाँ बानेश्वर क्षेत्रको निरीक्षण गरेपछि मेयर बालेन्द्र शाहले अल्फा बेटा कम्प्लेक्सको बेसमेन्ट भत्काएका हुन्।
एक्साभेटरले कम्प्लेक्सको अवैध संरचना भत्काउनुअघि अल्फा बेटाका प्रबन्ध निर्देशक द्विराज शर्मा र शाहबीच मौखिक झडपसमेत भएको थियो।
शाहले भवनको नक्शा मागेपछि शर्माले नगरपालिकाको सूचनाबारे आफू अनभिज्ञ रहेको बताउँदै महानगरलाई आफ्नो भवनको नक्शा पेश गर्न आग्रह गरे।
“तपाईले खाली गर्न ३५ दिन अघि जारी भएको नगरपालिकाको सूचना हेर्नुभएको छैन?” मेयरले जवाफ दिए । “भवनको नक्शा को सँग हुनुपर्छ, तपाई वा म?”
पछि मेयर शाह फेसबुकमा लेक्छन: “उहाले आफ्नै नक्सा मलाइ माग्नु भयो। मैले अफिस गएर नक्सा र डोजर लिएर गए। मैले के बिराए। अब उपरान्त यस्तो गर्न नपरोस, सबैले आफै बुझेर अबैधानिकरुप मा बनाइएको सम्रचना हटाइ दिनु होला। नक्सा जसरी पास भएको छ, त्यहि अनुसार बनाइ दिनु होला।”
नगरपालिकाले साउन २४ गते २४ घण्टाको अल्टिमेटम दिएर नर्भिक अस्पतालको अवैध संरचना भत्काउने प्रयास गरे पनि उक्त अल्टिमेटमबाट पछि हट्दै अतिक्रमणको छानबिन गर्न छानबिन समिति गठन गरेको थियो।
पछि सर्वोच्च अदालतले अस्पतालले बनाएको संरचना नहटाउन आदेश दिएपछि समितिले काम रोकेको थियो।
सहरी योजनाकारहरूले पनि भत्काइको स्वागत गर्दै कानूनलाई प्रभावकारी रूपमा कार्यान्वयन गर्न सरकारी निकायलाई आग्रह गरेका छन्।
‘यो कसैले गर्नुपर्थ्यो,’ सहरी योजनामा अनुभवी पूर्व सचिव किशोर थापाले भने। “र मेयर शाहले गरे। यो प्रशंसनीय छ।”
त्यसैगरी नगर योजनाकार सुमन मेहर श्रेष्ठले मेयरले भत्काउने कामलाई निरन्तरता दिनुपर्ने र सत्तामा साँठगाँठ नराख्नेमा भेदभाव नगर्ने बताए। ‘मेयरको अभियानलाई जनताको ठूलो समर्थन रहेको मैले देखेको छु। ‘कानूनको प्रभावकारी कार्यान्वयन भएमा धेरै समस्याहरू क्रमशः समाधान हुनेछन्, उनले थपे।
