काठमाडौं, ४ साउन। काठमाडौं उपत्यका वरपर बसोबास गर्ने घरबारविहीन व्यक्तिलाई मिर्गौला बिक्री गर्ने प्रलोभनमा विदेश लैजाने अभियोगमा प्रहरीले पाँच जनालाई पक्राउ गरेको छ।
पक्राउ पर्नेमा हाल काठमाडौंको कालोपुल बस्ने दैलेख जिल्लाका २८ वर्षीय धुपेन्द्र शाही र ३२ वर्षीय विमलबहादुर शाही, हाल भक्तपुरको थिमी बस्ने झापा जिल्लाका २१ वर्षीय आशिष तामाङ, हाल काठमाडौंको गौशालामा बस्दै आएका गुल्मीका ३१ वर्षीय विजय कुँवर थिए र विधान भनेर चिनिने २८ वर्षीय धनबहादुर रोका र हिमाल श्रेष्ठ रहेका छन्।
उनीहरूमाथि पीडितको शरीरबाट अवैध रूपमा मिर्गौला निकालेर भारतको कलकत्तामा बिक्री गर्ने उद्देश्यले १९ देखि ३२ वर्षका घरबारविहीन व्यक्तिलाई बेचबिखन गरेको आरोप छ।
सूचनाको आधारमा नेपाल प्रहरीको मानव बेचबिखन विरुद्धको ब्यूरोले शाही जोडी र कुँवरलाई गत असार १५ गते काठमाडौंका विभिन्न स्थानबाट पक्राउ गरेको थियो। केही दिनपछि उक्त योजनाका मुख्य योजनाकार धनबहादुर रोका र आशिष तामाङसहित तीन जना पक्राउ परेका थिए। रोका र तामाङ पीडितलाई भारत लैजाने, मिर्गौला निकालेर फिर्ता ल्याउने काम गर्थे भने, अन्य तीन जनालाई मिर्गौला बेच्न राजी हुने उपयुक्त उम्मेदवार खोज्न तोकिएको थियो।
रोका र तामाङले यसअघि आफ्नो एउटा मिर्गौला भारतमा खरिदकर्तालाई बेचेको र पछि सोही र्याकेटका तस्कर बनेको खुलासा भएको छ। धनी व्यक्तिले आफ्नो शरीरलाई सुहाउने मिर्गौला पाउनका लागि एक करोडसम्म चर्को रकम तिर्ने गरेको प्रहरीको भनाइ छ, तर मिर्गौला बेच्ने पीडितले रु पाँच लाखसम्म मात्र पाउँछन्।
मिर्गौला बिक्री गरेपछि रोका र तामाङ भारतका मिर्गौला खरिदकर्तासँग सम्पर्कमा आएका थिए। पछि मृगौला बेचेर अरुलाई प्रलोभनमा पारेर धेरै पैसा कमाउन सकिने थाहा पाएपछि उनीहरु तस्करीमा संलग्न भए। आफ्नो एउटा मिर्गौला बेचेर स्वस्थ जीवन बिताउन सकिन्छ भनी मानिसहरूलाई मनाउनको लागि दुवैले अक्सर आफ्नो पेटमा भएको घाउ देखाउने गर्थे जहाँबाट मिर्गौला निकालिएको थियो।
‘एउटा मिर्गौला बिक्री गरेबापत रु पाँच लाख र ५० हजारको मोवाइल कमाउँछु भनी तस्करले सडकका केटाहरूलाई प्रलोभनमा पारेको थिए,’ ए.एच.टी.बी.का प्रहरी उपरीक्षक दानबहादुर मल्लले भने।
तस्करहरूले पीडितको रगतको नमूना सङ्कलन गरी भारत लैजान तयार भएपछि प्रहरीले हस्तक्षेप गरी उद्धार गरेको थियो।
