माघको २६ गतेबाट रिलिजमा आउन लागेको फिल्म ‘हात्तीछाप’का मुख्य कलाकारहरुको लुक्स सहित निर्माणपक्षले नयाँ पोष्टर सार्वजनिक गरेको छ । सार्वजनिक पोष्टरमा फिल्मका मुख्य कलाकारहरु दयाहाङ राई, सौगात मल्ल, उपासना सिंह ठकुरी, बेनिशा हमाल, बुद्दि तामाङ, विल्सन विक्रम राई, बिजय बराल समावेश छन् ।
सार्वजनिक पोष्टर हेर्दा दया र उपासना एक अर्काको जोडी भएको देखिन्छ । सौगातको अवतारले भने दर्शकलाई उत्साहित बनाउने निश्चित छ ।
किरण नेपालीको प्रस्तुतिमा तयार भएको फिल्मलाई सिमोस सुनुवारले निर्देशन गरेका हुन् । फिल्ममा प्रदीप भारद्धाजको लेखन, सुशन प्रजापतिको छायांकन, निमेष श्रेष्ठको सम्पादन, रामजी लामिछानेको कोरियोग्राफी छ । पुष्कर गुरुङ र अमलादेवी राइको लगानी रहेको फिल्मका कार्यकारी निर्माता सरोज नेपाली हुन् ।
यो फिल्ममा कमलमणी नेपाल, पुष्कर गुरुङ, प्रकाश घिमिरे, भोलाराज सापकोटा, बिनोद न्यौपाने, कबिता आले, सुष्मा निरौला, रीयर राई, अनुप न्यौपाने, स्वस्तिका खड्का, नारायण खाती, अनिता गिरी, बेनु भुजेलको पनि मुख्य भूमिका छ ।
फिल्मको निर्माणपक्षले तेश्रो पोष्टर सार्वजनिक गर्दै गर्दा फिल्मलाई लिएर फिल्म क्षेत्रमा र दर्शकमा पनि चासो र चर्चा बढेको छ ।
‘२ नम्बरी’का मुख्य कलाकारहरु दया, सौगात र उपासना एकसाथ देखिदा फिल्मलाई लिएर दर्शकमा झनै बढी आशा बढेको छ ।
