Thursday, February 22, 2024
spot_img
Homeसमाचारनागढुंगा सुरुङमार्गको कामलाई एक वर्षभित्रै गाडी गुड्ने गरी तीव्रता दिइन्छ: मन्त्री ज्वाला

नागढुंगा सुरुङमार्गको कामलाई एक वर्षभित्रै गाडी गुड्ने गरी तीव्रता दिइन्छ: मन्त्री ज्वाला

काठमाडौं, १२ जेठ। भौतिक पूर्वाधार तथा यातायात मन्त्री प्रकाश ज्वालाले नागढुङ्गा सुरुङमार्ग निर्माणको कामलाई तीव्रता दिई एक वर्षभित्र सवारी साधन सञ्चालनमा ल्याउने आश्वासन दिएका छन्।

आज निर्माणाधीन नागढुंगा सुरुङमार्गको भौतिक प्रगतिको जानकारी लिँदै मन्त्री ज्वालाले सुरुङ मार्गका सबै समस्या समाधान गर्न वर्तमान सरकार तयार रहेको बताउँदै निर्माण कम्पनीले कुनै बहानामा सुरुङमार्गको काम रोक्न नसक्ने चेतावनी दिए।

नेपालको पहिलो सुरुङ सडक परियोजना २.७ किलोमिटर लम्बाइ र दुई लेनको छ। आयोजनाको शिलान्यास अक्टोबर २०१९ मा भएको थियो।

सञ्चारकर्मीसँग कुरा गर्दै मन्त्रीले भने, “हामी यहाँ निर्माणाधीन नागढुंगा सुरुङमार्गको प्रगति अवलोकन गर्न आएका हौँ, आयोजनामा ​​देखिएका समस्याका बारेमा पनि जानकारी लिनेछौँ। हामीले नेपाललाई सुरुङको युगमा पुर्‍याएका छौँ।”

मन्त्रीले भौतिक पूर्वाधार निर्माणका लागि आवश्यक परेमा ऐन संशोधन गर्न पनि सक्दो सहयोग गर्ने आश्वासन दिए।

उनले गुणस्तरीय सडक निर्माणमा सम्झौता नगर्न ठेकेदार कम्पनीलाई आग्रह गरे। सडक विस्तार आयोजना विश्व बैंकको सहयोगमा सम्पन्न भएको हो।(रासस)

दूत आवाज

LEAVE A REPLY

Please enter your comment!
Please enter your name here

संबन्धित समाचार
- Advertisment -spot_img

धेरै हेरिएको