काठमाडौं, २ जेठ। प्रधानमन्त्री पुष्पकमल दाहाल ‘प्रचण्ड’ र प्रतिनिधिसभाका सभामुख देवराज घिमिरेबीच आज भेटवार्ता भएको छ।
बैठकमा प्रधानमन्त्री प्रचण्डले सरकारको वार्षिक नीति तथा कार्यक्रम जेठ ५ गते संघीय संसदको संयुक्त बैठकमा प्रस्तुत गर्ने जानकारी सभामुखलाई दिएका छन्।
संसदमा पेश भएको विधेयकलाई प्रक्रियाबाट अगाडि बढाउन सभामुखले महत्वपूर्ण भूमिका निर्वाह गर्ने अपेक्षा पनि प्रधानमन्त्रीले गरेको प्रधानमन्त्रीको सचिवालयले जनाएको छ। (रासस)
