काठमाडौं, २७ चैत। जिल्ला अदालत काठमाडौंले क्रिकेटर सन्दीप लामिछानेले बलात्कार गरेको आरोप लागेका बालिकाको स्वास्थ्य परीक्षणमा संलग्न चिकित्सकलाई अदालतमा उपस्थित गराउन प्रहरीलाई आदेश दिएको छ।
न्यायाधीश शंकरराज बरालको एकल इजलासले आइतबार यस्तो फैसला गरेको हो। उक्त आदेशमा बालिका (गौशाला २६) को स्वास्थ्य परीक्षण गराउने डाक्टरसहित तीन जनालाई बयानका लागि अदालतमा उपस्थित गराउन आदेश दिइएको अदालतका सूचना अधिकारी दीपक दाहालले जानकारी दिए।
अदालतले लामिछानेविरुद्ध जबरजस्ती करणी गरेको अभियोगमा प्रहरीमा उजुरी दिएपछि बालिकाको स्वास्थ्य परीक्षणमा संलग्न डाक्टर बिदामा रहेको र वास्तविक चिकित्सकको सट्टा अर्का डाक्टरको बयान लिइएको जनाएको छ।
‘गौशाला २६’ नामकी १७ वर्षीया युवतीलाई प्रहरीले बलात्कार गरेको आरोपमा लामिछानेविरुद्ध मुद्दा दायर भएको थियो। उनले प्रहरी वृत्त गौशालामा भदौ २१ गते उनीविरुद्ध उजुरी दिएकी थिइन्। उच्च अदालत पाटनले पुष २२ गते उनलाई धरौटीमा रिहा गर्न आदेश दिएको थियो। (रासस)
