काठमाडौं, १३ माघ। अन्तर्राष्ट्रिय क्रिकेट काउन्सिल (आईसीसी) ले बिहीबार नेपालका विकेटकिपर आसिफ शेखलाई आईसीसी स्पिरिट अफ क्रिकेट अवार्ड २०२२ प्रदान गरेको छ।
फेब्रुअरी २०२२ मा ओमानमा भएको चतुर्भुज शृंखलामा रन लिने प्रयास गर्दा आयरल्याण्डका स्टार खेलाडी एन्डी म्याकब्रायन लडेपछी पछि रन आउट नगर्ने निर्णयका लागि विकेटकिपर शेखलाई अवार्डको प्रापक घोषित गरेको आइसीसीले बिहीबार बताएको थियो।
उनी यो अवार्ड जित्ने पहिलो नेपाली खेलाडी हुन्। आईसीसी स्पिरिट अफ क्रिकेट अवार्ड हरेक वर्ष विश्व क्रिकेटको नियन्त्रक निकायले खेलको भावनालाई समर्थन गर्ने खेलाडी वा टोलीलाई मान्यता दिन प्रदान गर्दछ।
