काठमाडौं, ३ माघ। प्रधानमन्त्री पुष्पकमल दाहालले मंगलबार मन्त्रिपरिषद् विस्तार गर्दै १२ मन्त्री र तीन राज्यमन्त्री थपेका छन्।
अहिले सरकारमा नेकपा एमालेका विष्णु पौडेल, नेकपा (माओवादी केन्द्र)का नारायणकाजी श्रेष्ठ, राष्ट्रिय स्वतन्त्र पार्टीका रवि लामिछाने र राष्ट्रिय प्रजातन्त्र पार्टीका राजेन्द्र लिङ्देन गरी चार उपप्रधानमन्त्री छन्।
नवनियुक्त उपप्रधानमन्त्री तथा मन्त्रीहरूले राष्ट्रपति विद्यादेवी भण्डारीबाट पद तथा गोपनीयताको शपथ लिएका छन्। नवनियुक्त राज्यमन्त्रीहरुलाई प्रधानमन्त्री दाहालले सपथ गराएका छन्।
सोमबार राति सत्तारुढ गठबन्धनका शीर्ष नेताहरु मन्त्री बाँडफाँटमा सहमत भएका थिए।
