काठमाडौं, २८ पुष। मन्त्रिपरिषद् विस्तारलगायतका विषयमा टुंगो लगाउन सत्तारुढ दलको बैठक आज बस्दैछ।
सत्तारुढ दलको बैठक आज दिउँसो ३ बजे प्रधानमन्त्रीको सरकारी निवास बालुवाटारमा बस्ने प्रधानमन्त्रीको सचिवालयले जनाएको छ।
बैठकमा मन्त्रिपरिषद् विस्तार, सभामुखको निर्वाचन, वर्तमान सरकारको प्रभावकारिता लगायतका विषयमा छलफल हुने बताइएको छ।
बुधबार साँझ प्रधानमन्त्री पुष्पकमल दाहाल ‘प्रचण्ड’ र नेकपा (एमाले)का अध्यक्ष केपी शर्मा ओलीबीच समसामयिक राजनीतिक विषयमा छलफल भएको थियो।
यसैबीच, मन्त्रिपरिषद्को नियमित बैठक आज पनि बस्ने प्रधानमन्त्रीको सचिवालयले जनाएको छ।
