काठमाडौं, २३ पुष। नेपालमा शनिबार ७५ दिनमा पहिलो पटक कोभिड–१९ बाट एकको मृत्यु भएको पुष्टि भएको छ।
पछिल्लो पटक कार्तिक ७ मा कोभिड–१९ बाट एक जनाको मृत्यु भएको थियो। महामारी सुरु भएदेखि हालसम्म देशव्यापी मृत्यु हुनेको संख्या १२ हजार २० पुगेको स्वास्थ्य मन्त्रालयले जनाएको छ।
शनिबार ५५५ पीसीआर परीक्षणमा तीन जनामा पोजेटिभ आएसँगै देशव्यापी सङ्क्रमणको सङ्ख्या १ लाख १ हजार २० पुगेको छ।
पछिल्लो २४ घण्टामा दुई जाना गरि मन्त्रालयका अनुसार हालसम्म ९ लाख ८८ हजार ९७९ संक्रमित निको भइसकेका छन्। हाल सक्रिय संक्रमितको संख्या २१ पुगेको छ।
