काठमाडौं, ३० असोज। निर्वाचन आचारसंहिता उल्लंघन गरेको आरोपमा नेकपा माओवादी केन्द्रका अध्यक्ष पुष्पकमल दाहाल प्रचण्डसहित ६ जनालाई निर्वाचन आयोगले कारण देखाउ नोटिस जारी गरेको छ।
आयोगले कारण देखाउनुपर्ने अन्य व्यक्तिमा पचरौटा नगरपालिकाका मेयर जलन्धरसिंह जैस्वार, व्यापार तथा निकासी प्रवर्द्धन केन्द्रका एक अधिकारी गोकुल वस्ती, जनता पार्टीका अध्यक्ष सीके राउत, हाम्रो नेपाल पार्टीका अध्यक्ष अनन्तराज घिमिरे र नुवाकोट–१ का प्रतिनिधिसभाका उम्मेदवार बद्री मैनाली रहेको आयोगका सहायक प्रवक्ता कमल भट्टराईले जानकारी दिए।
त्यसैगरी आयोगले संघीय मामिला तथा सामान्य प्रशासन मन्त्रालय, सहरी विकास मन्त्रालय, नेपाल प्रज्ञा-प्रतिष्ठान, अर्थ मन्त्रालय, धितोपत्र बोर्ड, बीमा समिति र मुख्यमन्त्री तथा मन्त्रिपरिषद्को कार्यालय, गण्डकी लाई कारण देखाउ नोटिस जारी गरेको छ।
गोरखा क्षेत्र नं २ बाट उम्मेदवारी दर्ता गर्ने दिन म्युजिक ब्याण्डसहित २५ जनाभन्दा बढी साथमा लिएको भन्दै निर्वाचन समितिले नेकपा माओवादीका अध्यक्ष पुष्पकमल दाहाललाई कारण देखाउ नोटिस जारी गरेको आयोगका सहायक प्रवक्ता सूर्यप्रसाद अर्यालले जानकारी दिए।
निर्वाचन आचारसंहिताले उम्मेदवारलाई आमसभा बाहेक आफ्नो चुनावी प्रचारमा २५ जनाभन्दा बढी सहभागी हुन रोक लगाएको अर्यालले बताए।
The Himalayan Times अनुवादित।
