काठमाडौं महानगरपालिकाद्वारा ठूला कर छली गर्नेहरुको खोजी

काठमाडौं, २२ भदौ। भृकुटीमण्डपस्थित काठमाडौं फनपार्कबाट सूचना पाएको २४ घण्टाभित्रै गत साता १७ लाख रुपैयाँ मनोरञ्जन कर उठाउन सफल भएपछि काठमाडौं महानगरपालिकाले अहिले सहरमा ठूला कर छली गर्नेलाई नियन्त्रणमा लिएको छ।

सोमबार नगरले १७ वटा व्यवसायिक कम्प्लेक्स, शैक्षिक संस्था र अस्पताललाई १० दिनभित्र सम्पत्ति कर बुझाउन पत्राचार गरेको थियो। ती संस्थाले करिब दुई दशकदेखि सम्पत्ति कर नतिरेको काठमाडौं महानगरपालिकाका राजस्व विभागले बताएको छ।

‘आर्थिक वर्ष १९९२/१९९३ देखि कर तिरेको छैन,’ नगर राजस्व विभागका प्रमुख शिवराज अधिकारीले भने।

‘उनीहरुले करिब ३० करोड रुपैंया कर तिर्न बाँकि रहेको छ,’ उनले भने।

महानगरले आफ्नो पत्रमा नेपाल खाद्य संस्थान, थापाथली; रञ्जना ट्रेड सेन्टर, न्यू रोड; साझा भण्डार, भोटाहिटी; राष्ट्रिय नाच घर र चेम्बर अफ कमर्स, जमलको नाम राखेको छ।

दुई दशकभन्दा बढी समयदेखि सहरमा कर नतिर्ने कर्मचारी सञ्चय कोष, ठमेल; नेपाल विद्युत प्राधिकरण, रत्नपार्क; नेशनल ट्रेडिङ लिमिटेड, सिंहदरबार; कृषि सामुग्री संस्थान, टेकु; मनमोहन मेमोरियल मेडिकल कलेज तथा शिक्षण अस्पताल, स्वयम्भू; आरबी कम्प्लेक्स, न्यु रोड; काठमाडौं प्लाजा, पुतलीसडक; डेन्टल कलेज, सामाखुशी; सी.आइ.डब्लु.इ.सी. (CIWEC) अस्पताल, कपुरधारा; र ह्वाइटफिल्ड स्कूल, नयाबजार रहेका छन्।

काठमाडौं महानगरपालिकाका राजस्व विभाग प्रमुख अधिकारीले तोकिएको समयमा कर नतिरे काठमाडौं महानगरपालिकाको राजस्व ऐन २०७५ (२०१८) बमोजिम कारबाही गरिने बताए।

यसैबीच, आइतबार महानगरको राजस्व विभागले काठमाडौंका सात क्यासिनोलाई सात दिनभित्र मनोरञ्जन कर बुझाउन पत्राचार गरेको थियो।

अधिकारीका अनुसार ती क्यासिनोले विगत पाँच वर्षदेखि नगरलाई कर तिरेका छैनन्। सहरको पत्रमा सूचीकृत कर छली गर्नेहरूको नाम यस प्रकार छ: सोल्टीमोडको सोल्टी होटल क्राउन प्लाजाको सोल्टी क्यासिनो, अन्नपूर्ण होटल दरबारमार्गको क्यासिनो प्यालेस, रयाडिसन होटलमा क्यासिनो र्याड, तारागाउँको प्राइड इन्टरटेनमेन्ट एन्ड रिक्रिएसनको हयात रिजेन्सी।

यसैबीच, मनोरञ्जन कर नतिरेका अन्य विलासी होटलहरूमा सोल्टी होटलमा रहेको क्यासिनो महजोङ, होटल अलफ्टमा रहेको बाल्को क्यासिनो र होटेल मल्लमा रहेको बल्लीज क्यासिनो रहेका छन्।

‘महामारीका कारण व्यवसाय नभएकाले दुई वर्षसम्म क्यासिनोलाई कर छुट दिएका छौँ, तर बाँकी तीन वर्षको मनोरञ्जन कर आइतबारदेखि सात दिनभित्र बुझाउनुपर्छ’, अधिकारीले भने।