काठमाडौं, ५ असोज। हास्यकलाकार राजु श्रीवास्तवको बुधबार ५८ वर्षको उमेरमा दिल्लीमा निधन भएको हो । उनको परिवारले उनको मृत्युको पुष्टि गरेको हो । ४१ दिन अस्पतालमा भर्ना भएको उक्त हास्य कलाकारको बिहान १०.२० मा निधन भएको हो । जिममा कसरत गर्दैगर्दा छाती दुखेर ढलेपछि राजुलाई अगस्ट १० मा दिल्लीको एम्समा भर्ना गरिएको थियो।
हृदयघातका कारण अस्पताल भर्ना भएको एक महिनाभन्दा बढी समयदेखि राजु भेन्टिलेटरमा थिए । हालै उनका भाइ दिपू श्रीवास्तवले कमेडियन बिस्तारै निको भईरहेको तर अचेत रहेको बताएका थिए ।
जब परिवारले कमेडियनलाई राजु बस्ने मुम्बईको कुनै अस्पतालमा लैजाने योजना गरिरहेको छ भनी सोध्दा दिपूले त्यस्तो कुनै योजना नभएको बताए। “उनको एम्समा उपचार हुनेछ र हामी निको भएपछि घर लैजान्छौं। हामीलाई डाक्टरहरूमा विश्वास छ,” उनले थपे।
राजु सन् १९८० को दशकदेखि मनोरञ्जन उद्योगमा थिए र २००५ मा रियालिटी स्ट्यान्ड-अप कमेडी शो द ग्रेट इन्डियन लाफ्टर च्यालेन्जको पहिलो सिजनमा भाग लिएपछि उनी चर्चामा आए।
उनी हिन्दी फिल्महरू जस्तै मैने प्यार किया, बाजीगर, बम्बे टु गोवाको रिमेक र आमदानी अठानी खर्चा रुपैयामा सहायक भूमिकामा पनि देखा परेका छन्। मृत्युअघि उनी फिल्म विकास परिषद् उत्तर प्रदेशका अध्यक्ष पनि थिए।
