काठमाडौं, ३ भदौ। निर्वाचन आयोगले मंसिर ४ गते हुने प्रदेश र संघीय संसदको निर्वाचन स्वतन्त्र र निष्पक्ष रुपमा सम्पन्न गर्नका लागि तयारी तीव्र पारेको छ।
यसै सन्दर्भमा बैठकले निर्वाचन कार्यतालिका, निर्वाचनसम्बन्धी निर्देशिका, कार्यविधि र संशोधनलाई पनि स्वीकृत गरेको छ।
प्रमुख निर्वाचन आयुक्त दिनेशकुमार थपलियाले निर्वाचनमा सहभागी हुन चाहने राजनीतिक दललाई दर्ताका लागि आयोगले आह्वान गरेको र आर्थिक व्यवस्थापनको कार्यविधि र बजेट निर्माण पूरा गरेको जानकारी दिए।
तयारीका लागि आयोगलाई १०७ दिनको समय दिइएको छ। निर्वाचनमा १० अर्ब रुपैयाँ लाग्ने अनुमान गरिएको छ भने कुल मतदाता करिब एक करोड ८२ लाख हुने अनुमान गरिएको छ।
मतगणनालाई विश्वसनीय बनाउन सीसीटिभी निगरानी गरिनेछ। निर्वाचनको अनुगमन र मतगणनाका लागि सहयोगी पनि हुनेछन्।
निर्वाचनको पूर्वसन्ध्यामा १८ वर्ष पुगेका नागरिकले मतदानको अधिकार प्रयोग गर्न पाउनेछन्।
