काठमाडौं, २७ भदौ। नेपाल प्रहरीको आग्रहमा त्रिभुवन अन्तर्राष्ट्रिय विमानस्थल अध्यागमन विभागले राष्ट्रिय क्रिकेट टोलीका निलम्बित कप्तान सन्दीप लामिछानेलाई कालोसूचीमा राखेको छ।
‘हिजो साँझ चिठी प्राप्त भयो र नेपाल प्रहरीको अनुरोधबमोजिम हामीले लामिछानेलाई तुरुन्तै कालोसूचीमा राख्यौं,’ अध्यागमन प्रमुख वासुदेव घिमिरेले पुष्टि गरे। जबर्जस्ती करणीका आरोपित लामिछानेलाई विमानस्थलमा पक्राउ गर्नका लागि नेपाल प्रहरीले अध्यागमन विभागलाई कालोसूचीमा राख्न आग्रह गरेपछि टीआईएले यस्तो कदम चालेको हो। क्रिकेटरविरुद्ध काठमाडौं जिल्ला अदालतले पक्राउ पुर्जी जारी गरेको थियो।
आरोप लागेपछि नेपाल क्रिकेट संघले लामिछानेलाई राष्ट्रिय टोलीबाट निलम्बन गरेको थियो। अन्तर्राष्ट्रिय क्रिकेट काउन्सिलले पनि यस प्रकरणमा चिन्ता व्यक्त गरेको छ भने जमैका तल्लाहले लामिछानेलाई टोलीबाट रिहा गरेको छ। हिमालयन टाइम्सबाट अनुवादित।
